- فيه 9 اقسام خاصه لعلمي رياضه
1- رياضيات منفرد : ديه بقي رياضه باحته بحب الرياضه حب جنوني خشه يا كبير لكن انت كويس فيها مش بتحبها يبقي انساها خالص و شغلها في مصر للاسف قليل بس تشتغل في معامل الابحاث او دكتور في الجامعه او تاخد سنتين تربيه و تبقي مدرس و عشان تخشه لازم تاخد جير و احصا كمواد اختياريه.
2- علوم حاسب منفرد : بص يا سيدي القسم ده انت بتدرس لغات برمجه جافا و هي سوفت و ير و رغم ان حاسبات و معلومات فيها سوفت و ير و هارد وير لكنها احسن لأنها بتدي المواد التطبيقيه في الواقع لكن في علوم حاسب بتاخد نظري كتييييير صحيح دماغك بتبقي اعلي في علوم حاسب لكن المشكله في المواد نفسها لكن انت لو خدت كورسات بره بتبقي اعلي من بتاع حاسبات و معلومات بكتير و الشغل لو دورت هتلاقي طبعا و عشان تخش القسم ده لازم تختار مواد ( جبر – احصا )
3- احصاء منفرد : نفس كلام رياضيات منفرد و نفس المواد الاختياريه
4- رياضه / احصاء : نفس الكلام بالظبط زي رياضه و احصا و نفس الواد الاخياريه
5- رياضه / علوم حاسب : ده بقي برضه نفس الكلام بس نص المواد من رياضه و نصها من علوم الحاسب
6- رياضه / فلك : بدرس مواد رياضه و مواد فلك و شغله في مصر في مرصد حلوان بس و قليل جدا و عشان اخشه لازم اختار ( جبر – فلك ) و انجح في الجبر و الفلك
7- فلك منفرد : زي رياضه فلك بس مش هاخد رياضه الا قليل قوي و نفس المواد الاخياريه رياضه و فلك و نفس الشغل برضه و انجح في الفلك
8- علوم فضاء منفرد : هو هو فلك منفرد بالظبط و نفس الشروط و المواد الاختياريه بس الفرق ده فلك و ده علوم جويه ^___^
9- رياضه / فيزيا : قسم اعتبره للعباقره فقط و شغله دكتور اومدرس او في معامل الابحاث بس و شروطه اخد جبر و اختار ماده من ( احصا – فلك – جيولوجيا – جيوفيزيا ) و لازم انجح جبر
